2014-04-28 10:44

14 ადამიანი დაშავდა უკრაინის ქალაქ ხარკოვში რუსეთის საწინააღმდეგო აქციაზე მომხდარი შეტაკების შედეგად, სადაც ფეხბურთის ათასობით გულშემატკივარი გამოვიდა.

უკრაინის მოქმედი ხლისუფლების მხარდასაჭერად ქალაქში ორი მოწინააღმდეგე გუნდის გულშემატკივრები გაერთიანდნენ, საპროტესტო მსვლელობაზე მოულოდნელად საბჭოთა კავშირის დროშებით რუსეთის მომხრეები გამოჩნდნენ. სწორედ ამის შემდეგ დაიწყო ფიზიკური დაპირისპირებაც.

სამართალდამცველებმა მასობრივი არეულობის მოწყობის მცდელობისთვის რამდენიმე დემონსტრანტი დააკავეს. ლუგანსკის საპროტესტო აქციაზე კი გუშინ სეპარატისტებმა ლუგანსკი დამოუკიდებელ რესპუბლიკად გამოაცხადეს და განაცხადეს, რომ თუ კიევი მათ წინააღმდეგ ძალას გამოიყენებს ისინი რუსეთს მშვიდობისმყოფელების ჩარევას სთხოვენ.

დონეცკში ნიღბიანმა სეპარატისტებმა ადგილობრივი ტელეცენტრის შენობა დაიკავეს, უკრაინაში განვითარებული მოვლენების პარალელურად, დიდი ბრიტანეთი რუსეთის წინააღმდეგ ახალი სანქციების შემოღებას აპირებს.