2014-04-27 22:51

ამერიკის შეერთებული შტატების მიერ რუსეთის მიმართ შემოღებული ახალი სანქციები, შესაძლოა ენერგეტიკულ და საბანკო სფეროებს შეეხოს.

ამის შესახებ France-Presse, ამერიკის პრეზიდენტის მრჩევლის, საგარეო პოლიტიკის საკითხებში ბენ როდსზე დაყრდნობით იუწყება.

როდსის განცხადებით, სანქციების ახალი ეტაპი მიმართულია „ რუსეთის რიგი მოქალაქეების მიმართ, რომლებსაც გავლენა აქვთ რუსეთის ეკონომიკურ პოლიტიკაზე, კერძოდ ენერგეტიკისა და საბანკო სექტორზე.“

მისი თქმით, სანქციები შესაძლოა შემოღებული იქნეს უკვე შემდეგი კვირიდან. შეგახსენებთ, სანქციების გაფართოების წინადადებით შაბათს დიდი შვიდეულიც გამოვიდა.

"უკრაინაში მომდევნო თვეს გასამართი საპრეზიდენტო არჩევნების წარმატებით, მშვიდობიანი და დემოკრატიული გზით ჩატარების უზრუნველყოფის მნიშვნელობიდან გამომდინარე, ჩვენ ავიღეთ ვალდებულება ვიმოქმედოთ დაუყოვნებლივ, რათა გავაძლიეროთ მიზანმიმართული სანქციები და ზომები, რომელიც რუსეთის ქმედებების საფასურს კიდევ უფრო გაზრდის", - ნათქვამია "დიდი შვიდეულის" განცხადებაში.