2014-04-27 22:28

სპორტის სასახლეში „ქართული ოცნების“ ყრილობაზე სიტყვით გამოსვლის დროს ვიცეპრემიერ კახა კალაძის მექანიკური შეცდომა, სადაც მან ცნობილი ფრაზა „წელიწადნახევრის წინ ჩვენ აღვადგინეთ ძალადობა“ თქვა, „ფეისბუქში“ დავით ნარმანიას გვერდზე განთავსებულ ვიდეოში ამოჭრილია.

ამასთან, სოციალურ ქსელ „ფეისბუქში“ „ქართული ოცნების“ მხარდამჭერებმა არაერთგან დაწერეს, რომ კალაძის გამოსვლა „რუსთავი2“-მა დაამონტაჟა და მასში სხვა სიტყვა ჩასვა.

შეგახსენებთ, რომ ტელერეპორტაჟი სპორტის სასხლეში ჩატარებული ყრილობიდან, რამდენიმე ტელევიზიის პირდაპირ ეთერში, საერთო სატელევიზიო სიგნალით გადაიცემოდა.