პრაღაში ვიზიტად მყოფმა საქართველოს პრეზიდენტმა გიორგი მარგველაშვილმა „რადიო თავისუფლების“ ქართულ გამომცემლობასთან ინტერვიუში განაცხადა, რომ როდესაც ავტორიტეტული ადამიანი გაკრიტიკებს, ეს უნდა გასუსტებდეს.
შესაბამისად, მას ივანიშვილის კრიტიკა ასუსტებს:
"ბიძინა ივანიშვილმა სხვათა შორის თქვა და შეასრულა თავისი პირობა, რომ ის წავიდოდა ხელისუფლებიდან. ეს თავისთავად მნიშვნელოვანი პრეცედენტია ქართული პოლიტიური რეალობისთვის. მან თქვა, რომ იქნებოდა ადამიანი, რომელიც აქტიური მოქალაქე იქნებოდა. ამ აქტიურ მოქალაქეს ჩემს მიმართ აქვს რაღაც კრიტიკა, ან შეხედულებები. რამდენად მაძლიერებს ეს ძნელი სათქმელია. წესით, როდესაც ავტორიტეტული ადამიანი შენ გაკრიტიკებს, პირიქით უნდა გასუსტებდეს და არა გაძლიერებდეს ლოგიკურად თუ შევხედავთ. შესაბამისად, მისი კრიტიკა ალბათ მასუსტებს", - განაცხადა მარგველაშვილმა.