რუსული მედიასაშუალებების ფლაგმანი ntv.ru პროგრამაში "სეგოდნია" სიუჟეტს ამზადებს და აცხადებს, რომ ქართველი ეროვნების დაქირავებულებს, რომლებიც მზად არიან უკრაინაში პრორუსულ აქტივისტებთან საომრად, აღმოსავლეთ უკრაინაში აგზავნიან.
ntv.ru „იზვესტიაზე“ დაყრდნობით წერს, რომ ქართველი დაქირავებულების უკრაინაში გაგზავნითა და მათი გადაბირებით დაკავებულია საქართველოს ექსპრეზიდენტის ზვიად გამსახურდიას პირადი დაცვის წევრი გოჩა ბახია, რომელიც ამჟამად თავს ფინეთს აფარებს.
„იზვესტიას“ წყაროდ საქართველოს პარლამენტი მოჰყავს და მასზე დაყრდნობით წერს, რომ დაქირავებულთა უმრავლესობა ქართველი ნაციონალისტია და პროექტი „თავისუფალი ზონისა“ და „ერთიანი ნაციონალური მოძრაობის“ მიერ ფინანსდება.
ციტატა სტატიიდან:
„წყარო საქართველოს პარლამენტიდან: „ძირითადადა, გადაიბირეს ახალგაზრდები, რომლებიც ჯერაც არ არიან ჩამოყალიბებული თავიანთ პოლიტიკურ შეხედულებებში და ისინი, ვინც რუსეთის მიმართ ზიზღითაა გამსჭვალული და ახლოსაა ბანდფორმირებებთან და რადიკალურ დაჯგუფებებთან.
ამავე დროს, ცალკეული წყაროები აცხადებენ, რომ ნაციონალისტების გადაბირებისთვის საჭირო თანხა დასავლეთიდანაც შემოდის.“