2014-04-25 13:47

რუსთავის მერიის მიმდებარე ტერიტორიაზე, გვიან ღამით გოგონებს შორის სიტყვიერი დაპირისპირება ფიზიკურში გადაიზარდა. საქმის განსამუხტად ადგილზე სამართალდამცავები იყვნენ მობილიზებული.

როგორც ცნობილია, ფიზიკური დაპირისპირების შედეგად ერთერთ გოგონას ხელი დაუზიანდა. მეორეს კი თავის არეში ბლაგვი საგნით აქვს ტრავმა მიყენებული.

დაშავებულები ქალაქის ცენტრალურ საავადმყოფოში გადაიყვანეს, ექიმების განცხადებით, მათ მსუბუქი დაზიანებები აღენიშნებათ. ინციდენტის მონაწილეები, გავრცელებული ინფორმაციით, პოლიციაში წუხელვე დაკითხეს.