საქართველოს მესამე პრეზიდენტმა მიხეილ სააკაშვილმა საპრეზიდენტო ბიბლიოთეკის გახსნისას ამერიკის შეერთებული შტატებიდან ჩართვის დროს მის წინააღმდეგ წარმოებული საქმის შესახებაც ისაუბრა:
"მაშინდელი "ასავალ-დასავალი" იყო გაზეთები "მგზავრი" და "კვალი", რომელიც დღე და ღამე ლანძღავდა ილია ჭავჭავაძეს, აბრალებდა ათასგვარ სისაძაგლეს. საბოლო ჯამში, ილია ჭავჭავაძის მკვლეობა მოამზადა სწორედ ამ გაზეთმა. მე ვნახე, რომ დღეს უკვე "ასავალ-დასავალი" მოუწოდებს ხელისუფლებას ჩემი "გაგორებისკენ". ძალიან ბევრი პარალელია იმ ეპოქასთან - ნუთუ ვერავინ ისწავლა ჭკუა და ვერავინ გამოიტანა დასკვნები?! მინდა ვთქვა, რომ ჩემი "გაგორებით" მათი პრობლემა ვერ გადაწყდება, რადგან იდეა ქართული სახელმწიფოებრიობის უკვე არსებობს. რამდენიც არ უნდა ილაპარაკონ, რომ ინგრეოდა საქართველო, სიმართლე არის ის, რომ ბოლო 9 წლის განმავლობაში ქვეყანა შენდებოდა და პირველად შევქმენით ქართული სახელმწიფოს აღმშენებლობის ტრადიცია. ასე რომ, ვფიქრობ დღეს უკეთეს მდგომარეობაში ვართ ჩვენ და ნაკლებად სახარბიელო მდგომარეობაში იყო ილია ჭავჭავაძე, როცა წერა-კითხვის გამავრცელებელი საზოგადოება შექმნა", - განაცხადა მიხეილ სააკაშვილმა.