-
2014-04-19 22:04
საქართველოს პრემიერმინისტრმა ირაკლი ღარიბაშვილმა „პირველი არხის“ ეთერში თავისი ბავშვობისა და სიყმაწვილის წლები გაიხსენა.
მისი თქმით, კახეთში, ქიზიყის სოფელში გაიზარდა და სკოლაც იქ დაამთავრა. ბავშვობის წლების გახსენებისას ღარიბაშვილმა თქვა, რომ იყო დრო, როცა ოჯახი შეძლებული იყო, მაგრამ ისეთი პერიოდიც ახსოვს, როცა გაკვეთილებს ლამფის შუქზე სწავლობდა.
პრემიერმინისტრმა ისიც გაიხსენა, რომ აშშ-ში ვერ წავიდა, რადგან იქ გასამგზავრებლად საჭირო თანხა, 500 დოლარი არ ჰქონდა, ხოლო შემდეგ ფრანგულის მასწავლებელმა დააკვალიანა, რომ შეეძლო, საფრანგეთში წასულიყო. ირაკლი ღარიბაშვილის განცხადებით, 1000 დოლარი აჩუქეს და საფრანგეთში წასვლა სწორედ ამ ფულით მოახერხა:
საფრანაგეთში ნაჩუქარი 1000 დოლარით წავედი, მამაჩემის მეგობარმა მაჩუქა. ძალიან მიჭირდა ადაპტირება, მაშინ 20 წლის ვიყავი. მე და ჩემი მეგობრები თავდაპირველად სტუდენტურ სამუშაოს - ოფიციანტის ან ჭურჭლის მრეცხავის პოზიციას ვერ ვშოულობდით, მაგრამ შემდეგ მოვძებნეთ და ვახერხებდით სწავლა და მუშაობა შეგვეთავსებინა ერთმანეთისთვის", - იხსენებს საქართველოს პრემიერმინისტრი.