2014-04-19 20:59

ქუთაისში მდებარე რამდენიმე სასაფლაოზე მიცვალებულთა საფლავის ქვებზე წარწერები და ჯვრები მოიპარეს. ამის მიზეზი, სავარაუდოდ, მასალაა, რისგანაც წარწერები მზადდება - მათ თითბერისა და სპილენძისგან, იშვიათად კი, ლატუნისგან ამზადებენ.

ქუთაისში წინასააღდგომოდ მომხდარი ძარცვის შესახებ ინფორმაცია „ნიუპრესმა“ გაავრცელა.

ეს პირველი შემთხვევა არაა, როცა საქართველოს ქალაქებში სასაფლაოებს ძარცვავენ. რამდენიმე წლის წინ საფლავის ღობეებიც მოიპარეს. ძარცვა მაშინ ქუთაისის გარდა, თბილისშიც მოხდა.

სავარაუდოდ, უცნობი პირები ლითონებს ჯართში ჩაბარების მიზნით იპარავენ, რადგან ამ დროისთვის 1 კგ თითბერისა და ლითონის ღირებულება 4-7 ლარის ფარგლებში მერყეობს.