აღმოსავლეთ უკრაინაში ე.წ. სახალხო თავდაცვის წევრები, რომლებსაც შეიარაღებული „მწვანე კაცუნები“ უჭერენ მხარს, იერიშზე სხვადასხვა მიმართულებით გადავიდნენ.
ამ დროისთვის არსებული ინფორმაციით, სეპარატისტებმა აიღეს დონეცკის საქალაქო საბჭოს შენობა, კრამატორსკში მიიტაცეს 6 ერთეული ჯავშანმანქანა, თითქოსდა იმ მიზეზით, რომ ისინი ანტიტერორისტულ ოპერაციაში მონაწილეობდნენ, სლავიანსკის მისადგომენთან რუსეთის სახელმწიფო დროშიანი საბრძოლო ტექნიკა გამოჩნდა, ხოლო ლუგანსკის ოლქში შეიარაღებულმა პირებმა მძევლად აიყვანეს ორი უკრაინელი სამხედრო მოსამსახურე. როგორც უკრაინული მედია წერს, შესაძლოა, სლავიანსკთან გამოჩენილი საბრძოლო ტექნიკა უკრაინის არმიას ეკუთვნოდეს და მათში ის უკრაინელი სამხედროები ისხდნენ, რომლებიც ოკუპანტების მხარეს გადავიდნენ.