2014-04-16 10:07

სიტუაცია კრამატორსკში(დონეცკის ოლქი) დასტაბილურდა და შეიარაღებული დაპირისპირება შეწყვეტილია. ამის შესახებ ინფორმაციას თავდაცვის სამინისტრო ავრცელებს.

„ამ დროისათვის კრამატორსკის აეროპორტში სიტუაცია სტაბილურია და შეიარაღებული კონფლიქტი არ ფიქსირდება. მიმდინარეობს დაჭრილების შესახებ ინფორმაციის გადამოწმება. აეროპორტი, უკრაინის შეიარაღებული ძალების მიერ კონტროლდება. სიტუაცია კონტროლს ექვემდებარება“-განაცხადეს სამხედრო უწყებაში.

უკრაინის თავდაცვის სამინისტროს ინფორმაციით, ბოევიკები აპირებდნენ თავდასხმა განეხორციელებინათ ქალაქში მდებარე ერთ-ერთ სამხედრო ობიექტზე, თუმცა უკრაინელმა ჯარისკაცებმა შეძლეს შეიარაღებული სეპარატისტების მოგერიება.

შეგახსენებთ, რომ კრამატორსკში ძალოვნებმა, უკრაინის შეიარაღაბელი ძალების დახმარებით ანტიტერორისტული ოპერაციის ფარგლებში სპეცოპერაციის განახორციელება დაიწყეს.

ვრცელდება ინფორმაცია იმის შესახებაც, რომ დაპირისპირების შედაგად არის მსხვერპლიც. ამ დროისათვის ამ ინფორმაციის გადამოწმება მიმდინარეობს. რუსული მედია ავრცელებს ინფორმაციას, რომ „უკრაინის შეიარაღებულმა ძალებმა ოთხი მოხალისე მოკლეს“.