2014-04-16 10:03

დონეცკის რეგიონის რამდენიმე ქალაქს ამ დროისათვის კვლავ სეპარატისტები და რუსი დივერსანტები აკონტროლებენ. როგორც ТСН იუწყება, გორლოვკაში შეიარაღებული ადამიანები აკონტროლებენ მილიციის შენობას.

ჟდანოვკის ქალაქის საბჭოს შენობის თავზე ჯერ კიდევ ფრიალებს ე.წ. „დონეცკის რესპუბლიკის“ დროშა. სეპარატისტები აცხადებენ, რომ ქალაქის ხელმძღვანელობა მათ მხარესსა.

შეიარაღებული პირების კონტროლქვეშ რჩება მაკეევკაში და კრამატორსკში ქალაქის საბჭო, მარიუპოლის მერია, ენაკიევოში კი ტერორისტების ხელშია ქალაქის საბჭო და მილიცია.

სლავიანსკში კი მილიციის შენობების დაკავების გარდა, პრორუსმა აქტივისტებმა შვიდი ბლოკპოსტი მოაწყვეს.