2014-04-16 09:45

სპეცრაზმ „დნეპრის“ წევრებმა დნეპროპეტროვსკისა და დონეცკის ოლქის ადმინისტრაციულ საზღვართან აღკვეთეს დნეპროპეტროვსკის ოლქში შეჭრის მცდელობა, „მწვანე კაცუნების“ მხრიდან.

ამის შესახებ უკრაინული მედია თვითმხილველებზე დაყრდნობით იუწყება:

„სოფელ ნოვოპავლოვკაში, „დნეპრის“ ბლოკპოსტის გარღვევა დააპირა „ჟიგულის“ მარკის ავტომობილმა, რომელსაც არ ჰქონდა სახელმწიფო სანომრე ნიშნები. ავტომანქანაში ოთხი შეიარაღებული პირი, ე.წ. მწვანე კაცუნა იყო. მათ უნიფორმა ეცვათ, მაგრამ არ ჰქონდათ ამოსაცნობი ნიშნები.

შეტაკების შედეგად „მწვანე კაცუნები“ იძულებულნი გახდნენ, გაქცეულიყვნენ და ტყეში მიეფარნენ თვალს. ავტომანქანა დაიწვა.

შეგახსენებთ, რომ სპედანაყოფ „დნეპრის“ ფორმირება 14 აპრილს დაიწყო. დნეპროპერტოვსკის გარდა, უკრაინის ბევრ ქალაქში ადგილობრივმა მოსახლეობამ გამოთქვა სურვილი, მოხალისეთა რაზმები შექმნას და სამართალდამცველებთან ერთად პატრულირებაში მიიღოს მონაწილეობა.