ევროპელი მეკავშირეების უსაფრთხოების უზრუნველყოფის მიზნით ნატო ჩრდილოატლანტიკური საბჭოს სხდომას იწვევს, რომელიც დღეს ბრიუსელში გაიმართება.
სხდომაზე განიხილავენ ევროპაში ნატოს შეიარაღებული ძალების მეთაურის, ამერიკელი გენერლის ფილიპ ბრიდლავის გეგმას, უკრაინაში არსებული მდგომარეობის გათვალისწინებით გასატარებელი ღონისძიებების შესახებ.
შეგახსენებთ, მანამდე ბრიდლავმა განაცხადა, რომ ალიანსი უახლოეს დღეებში წარმოადგენს მოქმედების კონკრეტულ და ყოვლისმომცველ გეგმას, უკრაინაში არსებული მდგომარეობის გათვალისწინებით.
ჩრდლიოატლანტიკური საბჭოს სხდომის მოწვევასთან დაკავშირებით განცხადება ნატოს გენერალურმა მდივანმა ანდერს ფოგ რასმუსენმაც გააკეთა:
„ჩვენ მივიღეთ წინადადებები სამხედროებისაგან იმ ზომების შესახებ, რომელიც შესაძლოა გამოყენებულ იქნას არსებულ სიტუაციაში უახლოეს მომავალში. დღეს ჩვენ სწორედ ამ წინადადებებს განვიხილავთ“- განაცხადა რასმუსენმა. უფრო ადრე რასმუსენმა განაცხადა, რომ ნატო აპირებს „გაზარდოს კოლექტიური უსაფრთხოების ზომები ზღვაზე, ჰაერში და ხმელეთზე“.
აგრეთვე ნატო განიხილავს დამატებითი ძალების განთავსებას აღმოსავლეთ ევროპაში. სამშაბათს, ნატოეს გენერალურმა მდივანმა კიდევ ერტხელ მოუწოდა რუსეთს გაივანოს თავისი ჯარი უკრაინის საზღვრიდან. რუსეთის პრემიერ-მინისტრის პრეს-სამსახურმა აღნიშნულ განცხადებას აბსურდული უწოდა.
