-
2014-04-15 21:40
სოფელ აძვში „ტვ3“-ის გადამღები ჯგუფის დაკავების ფაქტს ოკუპანტების მიერ სახალხო დამცველი უჩა ნანუაშვილი ეხმაურება. ნანუაშვილი აღნიშნულთან დაკავშირებით განცხადებას ავრცელებს:
"მიუხედავად მხარეებს შორის გამართული მოლაპარაკებებისა, საერთაშორისო სამართლის პრინციპებისა და ადამიანის უფლებათა უხეში დარღვევის მანკიერი პრაქტიკა, ოკუპირებული ტერიტორიების დეფაქტო ხელისუფლების წარმომადგენელთა თუ რუსი სამხედროების მხრიდან, ინტენსიურად გრძელდება. ჟურნალისტთა თავისუფლების უკანონო აღკვეთაზე, საერთაშორისო სამართლის მიხედვით, პასუხისმგებლობა რუსეთის ფედერაციას ეკისრება", - აცხადებს ნანუაშვილი.