უკრაინამ შესაძლოა რუსეთის ფედერაციასთან საზღვარი მთლიანად დაკეტოს.
ამის შესახებ ჟურნალისტებს უკრაინის საგარეო საქმეთა მინისტრის მოვალეობის შემსრულებელმა დანილ ლუბკივსკიმ განუცხადა.
„დღეს ჩვენ დაძაბული სიტუაციის მომსწრენი ვართ. ჩვენ რუსეთს ვაფრთხილებთ, წითელი ხაზი არ გადაკვეთონ და გაიყვანონ სპეციალური აგენტები, ასევე შეწყვიტონ პროვოკაციები. ეს ჩვენი მოთხოვნაა“, - განაცხადა ლუბკივსკიმ.
მისივე განცხადებით, პირდაპირი სამხედრო ინტერვენციის დაწყების შემთხვევაში, უკრაინის სამხედრო ძალები შესაბამისად იმოქმედებენ. ასევე შესაბამისი დიპლომატიური ინსტრუმენტებიც ამოქმედდება.
მინისტრის მოვალეობის შემსრულებლის განცხადებით, უკრაინა კონფლიქტის მშვიდობიანი გზით მოგვარების მომხრეა.