2014-04-14 09:43

გუშინ, გვიან ღამით უკრაინელმა ჟურნალისტებმა თვითმხილველებზე დაყრდნობით გაავრცელეს ინფორმაცია, რომ რუსეთი ლუგანსკის მხრიდან თითქმის შეუფერხებლად შეიჭრა უკრაინაში.

ჯერჯერობით ვერ სახელდება შეიარაღებული ძალების ზუსტი რიცხვი, მაგრამ ცნობილია, რომ ისინი ისევე გამოიყურებიან, როგორც „მწვანე კაცუნები“ ყირიმში - ამოსაცნობი ნიშნების გარეშე.

ასევე, ვრცელდება ინფორმაცია, რომ მათ საბრძოლო ტექნიკა - ტანკები და ჯავშანტრანსპორტიორები მიაცილებდნენ.  

შეგახსენებთ, რომ მანამდე უკრაინის გენშტაბის ყოფილმა მეთაურის მოადგილემ განაცხადა, რომ დონბასში არა სეპარატისტები, არამედ რუსეთის სამხედრო დანაყოფები მოქმედებენ.