2014-04-13 03:59

დონეცკის ოლქის ქალაქ კრამატორსკის მილიციის განყოფილება ნიღბიანმა ე.წ. თავდაცვითი რაზმის წევრებმა შტურმით აიღეს. მათ შესახვედრად გამოსული უიარაღო, ხელებაწეული მილიციელების კორდონი ჰაერში სროლით გაიარეს.

შენობასთან ნიღბიანი შეიარაღებულების გამოჩენას ცეცხლის გახსნა მოჰყვა შიგნით მყოფი მილიციელების მხრიდან, რასაც ნიღბიანებმაც ცეცხლით უპასუხეს.

საბოლოოდ, ე.წ. თავდაცვითი რაზმის წევრებმა შენობა დაიკავეს. წინასწარი ინფორმაციით, ერთი მილიციელი დაიჭრა. ამ იციდენტის თაობაზე „ფეისბუქის“ საკუთარ გვერდზე უკრაინის თავდაცვის მინისტრმაც დაწერა.