2014-04-12 21:55

სამეგრელო-ზემო სვანეთის ყოფილმა გუბერნატორმა თენგიზ გუნავამ, რომელიც დღეს ზუგდიდში „ნაციონალურმა მოძრაობამ“ რაიონის გამგებლობის კანდიდატად დაასახელა, განაცხადა, რომ მოსახლეობის მცირე ნაწილთან, რომელიც მათ ანაკლიაში მიუვარდა, პრეტენზია არა აქვს:

„ანაკლიაში ჩვენ გვინდოდა გვესაუბრა გაჩერებულ პროექტებზე, ჩვენ სულ ხუთი ვიყავით. შეაწუხეს 100-ეულობით ადამიანი და მოგვისიეს. იმ ხალხთან მე პრეტენზია არ მაქვს, ეს ოროსანი მთავრობა მათ აიძულებს, რომ ჩვენ მოგვივარდნენ“, - თქვა თენგიზ გუნავამ.

მისივე თქმით, საქართველოს ტერიტორიული მთლიანობისთვის ბრძოლაში იმ მეგობრების როლი, რომლებიც ახლა ციხეებში არიან, ძალიან დიდია:

„მე არ შემიძლია არ აღვნიშნო რომან შამათავას (კუდ-ის აფხაზეთის განყოფილების ყოფილი უფროსი, რომელიც ხურჩაში ტერაქტის მოწყობის ბრალდებით იხდის სასჯელს, - რედ.) ღვაწლი ტერიტორიული მთლიანობის დაცვაში. კობა თოდუას ღვაწლი, რომლის მამაც აქ დგას დღეს.

ეს ხალხი არის რუსული სპეცსამსახურების მსხვერპლი და ამას ახორცილებს დღეს მთავრობა. ძალიან რთულია იდგე აქ და უყურო უახლოესი მეგობრის სურათს, რომელიც უსამართლობის გამო ზიან ციხეში, ძალიან რთულია, უყურო ამ ყველაფერს“, - თქვა გუნავამ.

"ლაივპრესის" ვიდეომასალა