-
2014-04-12 20:42
„ნაციონალური მოძრაობის“ წევრმა ნუგზარ წიკლაურმა ზუგდიდში, მოსახლეობასთან შეხვედრის დროს ციხიდან გამოგზავნილი ყოფილი თავდაცვისა და შს მინისტრის ბაჩო ახლაიას მიმართვა წაიკითხა.
მიმართვაში ბაჩო ახალაია ბიძინა ივანიშვილს „ახალ ორჯონიკიძედ“ მოიხსენიებს და აცხადებს, რომ ყველაფერს გააკეთებს, რათა საქართველოს წინააღმდეგ ბრძოლა არ იყოს წარმატებული:
“ნურავის ჰგონია, რომ დღეს პუტინს თბილისში მხოლოდ ტანკებით უნდა შემოსვლა. პუტინის მთავარი ამოცანაა შიდასამოქალაქო დაპირისპირების პროვოცირება და სწორედ ამის ნიშანია ის პროცესები, რომელიც საქართველოში მიმდინარეობს.
ყველაფერს გავაკეთებ იმისთვის, რომ საქართველოს წინააღმდეგ ბრძოლა ახალი ორჯონიკიძის, ბიძინა ივანიშვილის ხელმძღვანელობით, არ იყოს წარმატებული.
მე ამისთვის გავწირე ჩემთვის სიცოცხლეზე მეტად ძვირფასი რამ – თავისუფლება. მესმის, რომ თითოეულ ჩვენგანს ძალიან უჭირს, მაგრამ ყველას უნდა ესმოდეს, რომ ადამიანების კეთილდღეობა არსებობს მხოლოდ თავისუფალ ქვეყნებში, მხოლოდ ისეთ ქვეყნებში, სადაც ადამიანთა თავისუფლება განსაზღვრავს ადამიანთა ცხოვრებას.
რუსეთის დამონებულ ქვეყნებში ადამიანებს არასდროს უცხოვრიათ ღირსეულად და თავისუფლად“ - აცხადებს ბაჩო ახალაია მხარდამჭერებისადმი მიმართვაში.