2014-04-12 17:10

მას შემდეგ, რაც ნიკა მელიასა და „ნაციონალური მოძრაობის“ სკანდალურად ცნობილი ოპონენტის მანჩო გიორგობიანის კადრები გავრცელდა, სადაც ის „პრაიმტაიმის“ პრესკლუბში ბრიფინგის დაწყებამდე საუბრობდა, გიორგობიანმა საჭიროდ მიიჩნია, განმარტებები გაეკეთებინა.

ამ მიზნით დღეს მანჩო გიორგობიანმა ისევ „პრაიმტაიმის“ პრესკლუბს მიმართა, მანამდე კი „ვანოს შოუს“ წამყვანს ვანო ჯავახიშვილს უპასუხა, რომელმაც გიორგობიანის კადრები შოუს რუბრიკაში „ვიდეომარგალიტები“ გამოიყენა და განაცხადა:

„მანჩო გიორგობიანი - არის ასეთი ქალბატონი, რომელიც პოპულარულია ტავის კვადრატში...“; „არა, მორწმუნე არის, როგორ არა, მორწმუნეა, მაგრამ ცოტა ეშმაკის ხათრიც აქვს...“.

მანჩო გიორგობიანმა ვანო ჯავახიშვილს სოციალურ ქსელ „ფეისბუქში“, საკუთარ გვერდზე უპასუხა, „ვანოს შნირი ვანო“ უწოდა და „საკუთარ კვარდატში გამოსეირნებას“ დაჰპირდა:

„ვანოს შნირს ეჩვენება რომ გამაშაყირა ,,ჩემს კვადრატში-ვაკეში" (თან ვაკელი რომ არ ვარ)))) ., თუ პროსტა საკუთარი აუხდენელი ოცნება გაახმოვანა? ქე რომ ვერასდროს აიხდენს , 2 ბიძინა რომ დაუდგეს !

დავეეფრთხე საკუთარ თავზე, ისე მომეწონა...!

შეე უბედუროო)))) მე კი გამოგასეირნებ ჩემს კვადრატში, შემოგატარებ, მაგრამ შენ რა გშველება , მხოლოდ შენი გახრწნილი ლეშის გარშემოწერილობის კვადრატი რომ გაქვს!

"ხმა არ მაქვს" ...................................".მამა გაბრიელის ზეთს წაგისვავ , გადამეკიდა პადრუგა"............. " მთელი ფეისბუქი ტრუპებში ვარ" (ყველას გახსოვთ რა ხდებოდა, ხან ვიხი, ხან ვისი,, ლამის სამხარაულის ექსპერტიზა მოვიწვიეთ როდის, რანაირად, ვდრებდით სხვადასხვა წმინდანებსაც, -ვინ გვკითხავდა ჩვენ? მამა გაბრიელი რომ გამოჩნდა და ვიხილეთ, მაშინ დამთავრდა ეს საგიჟეთი - არ იყო ესე თუ?! .......... "ვამბობ- ნუ დებთ ხალხნო, უხერხულია" ...... "წამისვა და მართლა მომირჩა, მომივიდა "..

და რა ვთქვი მიუღებელი? მეზარება რიგებში, მეზარება ფეხით სიარული და არ შემიძლია ამ ჭეჭყვებში დგომა..! 1000-ჯერ გადამარჩინა ღმერთმა სიკვდილს, რატო რა , რიგიდან რიგში რომ გადავდიოდი??? ვისაც უნდა მივა ამ რიგში და ვისაც არ უნდა არ მივა ძალააა?

შენ არ, ან ვერ მიხვალ ღმერთთან, ის მოვა შენთან, როცა საჭირო იქნება...თუ იმას შეხედავს, ეს რიგში იდგა და მივალ ამასთან და ეეეესსს რიგში დაუდგომელი არრრ დამანახოთოოო?!“.

რაც შეეხება გავრცელებულ ვიდეოში მამა გაბრიელის შესახებ გამოთქმულ მის მოსაზრებებს, მანანა გიორგობიანმა ამასთან დაკავშირებით დღეს ბოდიში მოიხადა:

„პრაიმტაიმში, პრესკონფერენციაზე ჩემი ფარულად ჩაწერილი ვიდეო გახდა ძალიან პოპულარული და ამან ბევრი პრობლემა გამოიწვია. მე თვითონ ვხარხარებ ამ ვიდეოზე, მაგრამ საზოგადოების გაღიზიანება გამოიწვია იმ ტექსტებმა, რომელიც ახლდა ამ ვიდეოს. მთელ საქართველოს მინდა ბოდიში მოვუხადო ჩემი სახელითაც და იმ ადამიანის სახელითაც ვინც ეს ვიდეო ფარულად ჩაიწერა და სოციალურ ქსელში გაავრცელა. მესმის მისიც, რადგან ეს მოიტანა მიშას განათლებამ“, - აცხადებს ის.

„უზნეობაა სოციალურ ქსელებში წმინდანის ფოტოების გარჩევა. ლამის სამხარაულის ექსპერტიზა მოიწვიეს იმის დასადგენად გახრწნილი იყო თუ არა ცხედარი და ფეხი ჰქონდა მოჭმული, თუ ხელი. ღმერთიც და მამა გაბრიელიც გეხმარება თუ შენ ამას იმსახურებ და არა იმიტომ, რომ გრძელ რიგში დგომას ახერხებ თუ ვერა“, - ასე განმარტავს გიორგობიანი მამა გაბრიელის შესახებ გამოთქმულ თავის მოსაზრებებს.