2014-04-10 16:50

სასჯელაღსრულების მინისტრის ყოფილი მრჩევლის ლალი მოროშკინას განცხადებით, მას და მის ოჯახს ემუქრებიან,- ამის შესახებ მოროშკინა "ფეისბუქის" პირად გვერდზე წერს.

“სოს!!! ძვირფასო მეგობრებო, სანდო წყაროებმა მომაწოდეს ინფორმაცია, რომ მას მერე, რაც მე მივმართე პრემიერ-მინისტრს, რომ თავიდა მოიშოროს რამდენიმე ადამიანი, რომლებიც პირდაპირ დაკავშირებული არიან “ნაციონალური მოძრაობის” თავკაცებთან და მათ დავალებას ასრულებენ, გაისმა მუქარის ზარები ჩემი და ჩემი მეუღლის მისამართით!!! კარგად მისმინეთ ზონდერებო! ვის დაიჭერთ ამას მე გაჩვენებთ - ლალი მოროშკინა! თქვენ თავად აღმოჩნდებით გისოსებს მიღმა, სადაც თქვენი ადგილია!!! და ვერანაირი კოჰაბიტაცია და ფერიცვალება ვერ გიშველით!!! - წერს მოროშკინა.

როგორც ის აზუსტებს, თუ არ გადადგებიან ის მაღალჩინოსნები, რომლებიც ყოფილი ხელისუფლების ერთგულები არიან და მხილების შემდეგ იმუქრებიან, მოროშკინა  მათ სახელებსა და გვარებს დაასახელებს.