2014-04-10 16:46

უკრაინის აღმოსავლეთით სიტუაცია კიდევ უფრო დაიძაბა. გავრცელებული ინფორმაციის თანახმად, ლუგანსკში შეკრებილმა პრორუსულმა აქტივისტებმა სახრჩობელები დაამონტაჟეს.

უსაფრთხოების სამსახურში შეჭრილი სეპარატისტების თქმით სახრჩობელები მემარჯვენე აქტივისტებისთვის არის განკუთვნილი. ქალაქის ცენტრში პრორუსულად განწყობილ დემონსტრანტებს კარვები აქვთ გაშლილი. სამთავრობო შენობებზე კი რუსული დროშები ფრიალებს.

სახელმწიფო ადმინისტრაციული შენობა ბლოკირებული რჩება დონეცკშიც. იწურება 48 საათიანი ვადაც, რომელიც უკრაინის შინაგან საქმეთა მინისტრმა სეპარატისტებს ბლოკირებული შენობების დასატოვებლად და ოფიციალურ კიევთან მოლაპარაკების დასაწყებად მისცა.

მოთხოვნის შეუსრულებლობის შემთხვევაში, სამართალდამცავები დაკავებულ შენობებს ძალის გამოყენებით გაათავისუფლებენ.