2014-04-10 13:26

უფლებადმაცველთა გაერთიანება პრემიერ-მინისტრ ირაკლი ღარიბაშვილს, თავდაცვის მინისტრის გადაყენებისკენ მოუწოდებს. „პრაიმტაიმის“ პრესკლუბში გამართულ პრესკონფერენციაზე ნიკოლოზ მჟავანაძემ განაცხადა, რომ ჯარში არსებულ სიტუაციას გამართლება არ აქვს:

"ირაკლი ალასანია ბოლო პერიოდში საერთოდ თავს გავიდა. ხელშეუხებელი არავინ არ არის, ჩვენი მოთხოვნაა რომ ის უნდა გადადგეს და მისი უწყების საქმიანობა უნდა შეისწავლოს პროკურატურამ. დღეს ეს ადამიანი ჩვენ გვესაუბრება გონორით, რომ მან რაღაც გააკეთა თავდაცვის უწყებაში. სამწუხაროა მაგრამ ფაქტია, რომ დღეს იმაზე კი არ ვსაუბრობთ რომ ჩვენი ჯარი იყოს ძლიერი და მან ტერიტორიების დაბრუნება შეძლოს, არამედ იმაზეა ლაპარაკი რომ ჯარში ბიჭები უხარისხო საკვებისგან არ დაგვეხოცოს. ჩვენ არასამთავრობო ორგანიზაციები ხომ არ ვითხოვთ ინფორმაციას, ჯარის შეიარაღების შესახებ აქ ჯარისკაცის კვებაზე", - აცხადებს მჟავანაძე.