საქართველოს პარლამენტის თავმჯდომარის განცხადებას საქართველოში ევროკავშირის ელჩი ფილიპ დიმიტროვი გამოეხმაურა. მისი განცხადებით უსუფაშვილის სიტყვებს თავიდან ბოლომდე ეთანხმება:
„მე პარლამენტის თავმჯდომარის გამოსვლას უკვე გავეცანი, სადაც იგი ნატოსა და ალიანსის მნიშვნელობაზე საუბრობდა. მე თავიდან ბოლომდე ვეთანხმები და პატივს ვცემ უსუფაშვილის განცხადებას“, - განაცხადა დიმიტროვმა.
უსუფაშვილის განცხადებას ზაქარია ქუცნაშვილიც ეხმაურება და აცხადებს, რომ პარლამენტის თავმჯდომარე სიტუაციის გამწვავებას ახდენს:
„ჩვენი პარლამენტის თავმჯდომარის აზრი არის, რასაც მე პატივს ვცემ და სწორია ჩვენი მისწრაფება ჩრდილოატლანტიკურ კავშირში გაწევრიანებასთან დაკავშირებით. მე მესმის რატომ ახდენს უსუფაშვილი ამ სიტუაციის გამწვავებას. ჩვენთვის ძალიან მნიშვნელოვანია მსოფლიო უსაფრთხოების სისტემის მომხმარებლის სტატუსი“, - აცხადებს ქუცნაშვილი.
