-
2014-04-07 23:16
თეთრი სახლის ოფიციალურმა წარმომადგენელმა ჯეი კარნიმ განაცხადა, რომ აღმოსავლეთ უკრაინაში მიმდინარე სეპარატისტული გამოსვლების ნაწილი დაფინანსებულია.
„ჩვენ გვაქვს მონაცემები, რომ ამ დემონსტრაციების ნაწილი დაფინანსებულია და მასში მონაწილეობან ადამიანები, რომლებიც არ წარმოადგენენ ადგილობრივ მოსახლეობას. ეს გვაძლევს საფუძველს, ვივარაუდოთ, რომ ამგვარი მოვლენების უკან გარეშე ძალები დგანან“, - აცხადებს თეთრი სახლის წარმომადგენელი.
კარნიმ შეშფოთება გამოთქვა რუსეთის მხრიდან უკრაინაზე გაძლიერებული ზეწოლის გამო. მისი თქმით, რუსეთის გადაადგილება აღმოსავლეთ უკრაინისკენ მისთვის უარყოფითი შედეგების მომტანი იქნება და სანქციების გაძლიერებას გამოიწვევს. თეთრი სახლი აცხადებს, რომ უკრაინის კონსტიტუციის თანახმად, არათუ იმ სეპარატისტებს, ვინც დონეცკის საოლქო ადმინისტრაციის შენობაში შეიჭრნენ, არამედ დონეცკის საოლქო ადმინისტრაციასაც კი არ გააჩნია რეფერენდუმის ჩატარების უფლება.
შეგახსენებთ, მანამდე ჟურნალისტებმა მოახერხეს, გადაეღოთ ვიდეო, სადაც ჩანს, როგორ იყოფენ 6 აპრილს ლუგანსკში სეპარატისტული აქციის მონაწილეები ფულს.