2014-04-07 21:14

ნატოს შტაბ-ბინაში რუსეთის მისიის წარმომადგენლების მიმართ შეზღუდვები დაწესდა. შეზღუდვები  8 აპრილიდან ამოქმედდება.

გარდა ნატოში რუსეთის მუდმივი წარმომადგენლის , მისი მოადგილისა და კიდევ ორი პირისა, რომელიც მისიაში მუშაობს, რუსეთის მისიიდან შტაბ-ბინაში ვერავინ შევა.

ამის შესახებ გადაწყვეტილება ნატოს წევრი ქვეყნების საგარეო საქმეთა მინისტრებმა მიიღეს.

კომუნიკეს თანახმად, მისიის სხვა წარმომადგენლებისთვის შტაბბინაში შესასვლელად იმოქმედებს ის წესები, რომლებიც მოქმედებს ჩვეულებრივი ვიზიტორებისთვის.