2014-04-04 19:36

პროკურატურაში ანი ნადარეიშვილის დაკითხვა დასრულდა. თავისუფლებისა და მხარდაჭერის ცენტრის დამფუძნებელი საქართველოს მთავარ პროკურატურაში შალვა თათუხაშვილის საქმეზე  დაიკითხა.

როგორც დაკითხვის შემდეგ ნადარეიშვილმა განაცხადა, გამოძიება დაინტერესდა, თუ საიდან ფლობდა ნადარეიშვილი ამ საქმესთან დაკავშირებულ ინფორმაციას.

"დავიკითხე თათუხაშვილთან დაკავშირებით. ძალიან სამწუხაროა, რომ ოჯახისა და არასამთავრბო ორგანიზაციების არაერთი მოთხოვნის მიუხედავად, გამოძიება არ არის დაწყებული თათუხაშვილის წამების, გატაცებისა და მუქარების ფაქტთან დაკავშირებით. გამოძიება მიმდინარეობს თვითმკვლელობამდე მიყვანის მუხლით, რაც არასწორია. მიუხედავად არაერთი განცხადებისა, მიუხედავად უშუალოდ იმ ადამიანების სახელებისა და გვარების დასახელებისა, რომლებმაც აწამეს და გაიტაცეს თათუხაშვილი, მათ მიმართ გამოძიება არ მიმდინარეობს. ვალდებული ვიყავი მიმეცა ჩვენება, მაგრამ იქვე დავაფიქსირე, რომ ყაჩაღი ფარცხალაძის კანტორას არ ვენდობი, მით უმეტეს მაშინ, როდესაც გამოძიება მიმდინარეობს იმ საგამოძიებო უწყების მიერ, რომელმაც დანაშაული ჩაიდინა", - აღნიშნა ნადარეიშვილმა.

ნადარეიშვილის ჩვენებას დაკითხულის ხელმოწერასთან ერთად აქვს გაკეთებული წარწერა :"თავისუფლება პოლიტპატიმარ ბაჩო ახალაიას."