2014-04-04 15:42

მთავარ პროკურატურასთან უშიშროების საბჭოს ყოფილ მდივანთან ერთად მისი მეუღლე, ჟურნალისტი თამარ ჩერგოლეიშვილიც მივიდა. როგორც ჩერგოლეიშვილი ფიქრობს, ბოკერიას დაკითხვაზე მოწმის სახით დაბარება ნიშნავს, რომ მისთვის ბრალის წაყენება უნდათ.

მისივე თქმით, ის რომ ბოკერიას წინაარმდეგ სისხლის სამართლის საქმის აღძვრას აპირებენ, ეს ივანიშვილმა ჯერ კიდევ პრემიერობის დროს არაერთხელ დააანონსა.

„ბიძინა ივანიშვილი გიგას დაჭერას აანონსებს უკვე წელიწადნახევარია. ნებისმიერი საერთაშორისო კრიტიკის შემდეგ მას ახსენდება რაღაც ხარჯები, რომელიც თურმე ლობისტებზე დაიხარჯა, ნებისმიერი საერთაშორისო კრიტიკის შემდეგ.- ასე გამოიყურება პროვინციული ჰაკიმ–ფაშიზმი, მაგრამ ნუ არაუშავს ვნახოთ, რეალურად ახლა ეს მოწმის სახით დაკითხვაც ხომ ფარსია, ბრალის წაყენება უნდათ.

ვნახოთ, რითი დამთავრდება ეს ყველაფერი, სადაც ნელსონ მანდელა იჯდა 23 წელი რამენაირად ამას ჩემი ქმარიც გადაიტანს, მაგრამ ვპირდები ბიძინა ივანიშვილს და  მის პაჟს, ღარიბაშვილს ვპირდები, რომ ჯოჯოხეთს მოვუწყობ“- განაცხადა თამარ ჩერგოლეიშვილმა მთავარ პროკურატურასთან.