2014-04-04 13:54

მორიგი დაპირისპირება მოხდა უმცირესობა და უმრავლესობას შორის პარლამენტის სხდომაზე, რომელიც მესამე კენჭისყრისას მიღებული კვორუმით გაიხსნა.

დაპირისპირების მიზეზი გახდა უკანონო შემოსავლების ლეგალიზების შესახებ კანონში დაგეგმილი ცვლილებები. რომლის მიხედვითაც, ფინანსური მონიტორინგის სამსახური ეროვნული ბანკიდან ფინანსთა სამინისტროს დაექვემდებარება. 

კანონპროექტი უმცირესობის წევრმა გიორგი კანდელაკმა გააკრიტიკა. მან ეს ინიციატივა ბიძინა ივანიშვილის ინტერესებს დაუკავშირა. სწორედ ამ განცხადებას მოჰყვა დაპირისპირება. 

,,თქვენ ებრძვით ყველა ადამიანს, ვინც ებრძვის რუსეთს კლავთ ან ციხეში სვამთ. ამის რეალური მაგალითია თათუხაშვილი.

 თქვენ  გსურთ არამხოლოდ ყველა ბიზნესში ჩაძრომა, ყველა ჯიბეში ჩაძრომა... მაგრამ საზოგადოება არც ბრმა არც ყრუ არაა.  

პრემიერმა რომ აირჩია ეს სახელი, ეს ჩვენი მონაგონი არაა, არ გაგიკვირდეთ, რომ მას დავუძახებთ მის ნამდვილ სახელსა და გვარს ჰაკიმ ფაშას“-განაცხადა კანდელაკმა.

კანდელაკის ამ განცხადებას დარბაზში ხმაური მოჰყვა, უმცირესობისა და უმრავლესობის დეპუტატები ერთმანეთს სიტყვიერად დაუპირსიპირდნენ.

,,ვისაც გინდათ რომ გადავყვეთ ამ თემას ამ დღეს აყევით სულ ყველა, ამისთვის ვართ ხომ დღეს აქ. ადამიანი არ ხარ პარლამენტის წევრი ხარ აქ.... ადამიანთან ერთად. დავიკავოთ ადგილები,“- მოუწოდა დავით უსუფაშვილმა უმრავლესობის დეპუტატებს, რომლებიც თავმჯდომარის თხოვნის მიუხედავად კამათს არ წყვეტდნენ.

ამის შემდეგ ქანთარიამ უსუფაშვილს სიტყვა სთხოვა, რაზეც უარი მიიღო. უსუფაშვილისგან უარი ქანთარიამ გააპროტესტა: ,,ამათთვის შეიძლება და ჩემთვის არა ხომ?“

უსუფაშვილი: ,,კი, ბატონო ქანთარია, ამათთვის ვაკეთებ და თქვენთვის არა ხომ? ამას მეუბნებით?“

ამის შემდეგ ტრიბუნასთან მისული დავით ონოფრიშვილის გამოსვლა რეპლიკების ფონზე მიმდინარეობდა.