2014-04-03 17:28

ადამიანის უფლებათა დაცვის საპარლამენტო კომიტეტის სხდომაზე შალვა თათუხაშვილის გარდაცვალების საქმის განხილვა შეწყდა.

როგორც კომიტეტის თავმჯდომარე ეკა ბესელიამ განაცხადა, კომიტეტის სხდომა გაგრძელდება, ოღონდ, მისი თქმით, იქ უმცირესობას მასკარადის მოწყობის სასუალება არ მიეცემა.

„ვისაც აინტერესებს, მერე შევიკრიბებით და გავაგრძელებთ განხილვას. კომიტეტი გადაწყვეტს, როდის გაგრძელდება სხდომა და მიიღებს გადაწყვეტილებას რა ფორმატში გაგრძელდება მოსმენა.

ოპონენტებს მივმართავ - საშუალებას არ აძლევთ კომიტეტს, რომ სხდომა ჩაატაროს და ის, რომ სხდომას ვერ ვატარებთ არის სწორედ თქვენი ბრალი. მათ ჰქონდათ საშუალება მიეღოთ ინფორმაცია, მაგრამ არ აინტერესებთ ეს.

ჩვენ გავაგრძელებთ კომიტეტის მუშაობას, მაგრამ ვერ მივცემთ საშუალებას ვერავის, რომ დაიდგას აქ მასკარადი.“- განაცხადა ბესელიამ.