2014-04-03 15:25

ადვოკატი ირაკლი ზაქარეიშვილი დღეს პროკურატურაში დაკითხვაზეა დაბარებული. დათა ახალაიასა და გარდაცვლილი შალვა თათუხაშვილის ადვოკატს, პროკურატურა გირგვლიანის საქმეზე დასაკითხად იბარებს.

ზაქარეიშვილის განცხადებით, ის დასაკითხად მისვლას არ აპირებს, რადგან მისი თქმით, წარმოუდგენელია საქმეზე, რომელზეც ბრალი მისი დაცვის ქვეშ მყოფ პირს ეხება მისივე ადვოკატი დაიკითხოს. ზაქარეიშვილი ფიქრობს, რომ ამ მეთოდით პროკურატურა თათუხაშვილის საქმიდან მის ჩამოშორებას ცდილობს. 

„ცდილობენ შალვა თათუხაშვილის საქმეს ჩამომაშორონ, დამიბარეს დაკითხვაზე გირგვლიანის საქმეთან დაკავშირებით, თუმცა მე მაგ საქმეზე ვერ დავიკითხები, რადგან ჩემი დაცვის ქვეშ მყოფი პირია დათა ახალაია და ამ საქმეში მას ედება ბრალი, სად გაგონილა ადვოკატი დასაცავის საქმეზე დაიკითხოს. ასევე მითხრეს, რომ ჩვენი საცხოვრებელი სახლის ეზოში პოლიციელები შენიშნეს“,- განაცხადა ზაქარეიშვილმა.