2014-04-03 15:10

"ქართული ოცნების" ოფისთან რუსთავი-თბილისის სამარშრუტო ტაქსების მძღოლების აქცია მიმდინარეობს.აქციის მონაწილეები პარტიის გენერალურ მდივან კახი კალაძესთან შეხვედრას ითხოვენ. 

აქციის ერთ-ერთმა მონაწილემ ბენზინი გადაისხა და თავის დაწვა სცადა, თუმცა პოლიციელების ჩარევის შემდეგ, მას დაზიანებები არ მიუყენებია საკუთარი თავისათვის. როგორც ნობილია, აქციის ეს მონაწილე საავადმყოფოშია გადაყვანილი.

აქციის მონაწილეები მოითხოვენ, რომ გაუქმდეს მგზავრთა გადაყვანაზე გამოცხადებული კონკურსის შედეგები, რადგან კონკურსის შედეგად გამარჯვებული კომპანია მგზავრებს საკუთარი სამარშრუტო ტაქსებით უნდა მოემსახუროს. მძღოლები გამარჯვებულ კომპანია "ინტერტრანსს" კახა კალაძეს სახელს უკავშირებენ.