2014-04-03 14:32

,,ყოველთვის, როცა არის განმარტება და ეს არის ხანგრძლივი, თუნდაც კარგად შეფუთული იყოს, კითხვები მაინც ჩნდება“- აცხადებს ევროკავშირის ელჩი ფილიპ დიმიტროვი თათუხაშვილის საქმესთან დაკავშირებით პროკურატურის გუშინდელი განცხადების შეფასებისას.

დღეს თათუხაშვილის ადვოკატმა ხაზგასმით აღნიშნა, რომ გუშინ გავრცელებულ დაკითხვის კადრებში ნათლად ჩანს, რომ მასალა დამონტაჟებულია , ხოლო თათუხაშვილს ჩვენების მიცემისას სახე მაკიაჟით აქვს დაფარული.

,,პროკურატურა ცდილობს დაგვანახოს რომ გამომძიევლები პროკურატურის შენობაში არ ადგანან თათუხაშვილს პისტოლეტებით, ამის მოლოდინი, მგონი, არც არავის ჰქონია. ვიზუალურად ჩანს და ეჭვს არ იწვევს, რომ ის იყო ფსიქოტროპული მოქმედებებისა და არის მაკიაჟის ქვეშ. ჟონგლიორობენ - პირდაპირ შემიძლია ვთქვა, რომ ეს არის ფოტო მონტაჟი, ვიდეო მონტაჟი,“- განაცხადა თათუხაშვილის ადვოკატმა ირაკლი ზაქარეიშვილმა.

„თავისუფლებისა და მხარდაჭერის ცენტრის“ დამფუძნებლის ანი ნადარეიშვილის თქმით, პროკურატურა კვლავ ცდილობს ახალაიების ოჯახის დისკრედიტაციას. ის ითხოვს დაიწყოს გამოძიება, რომლის დაწყებასაც პროკურატურა აჭიანურებს.

,,პროკურატურა არის თავის მართლების პოზიციაში. კვლავ ეწევიან ახალაიების ოჯახის დისკრედიტაციას. გუშინ გაავრცელეს განცხადება და მე ვიყავი ნახსენები, რომ თითქოს რაღაც სურათის დაშეარება მოვახდინე ,,ფეისბუქზე“. კიდევ ერთხელ მივმართავ და ვითხოვ დაიწყონ გამოძიება შლავა თათუხაშვილის გარდაცვალების ფაქტთან დაკავშირებით, მათ გამოძიება დაწყებული არ აქვთ,“- აცხადებს ნადარეიშვილი.

ახალგაზრდა იურისტთა ასოციაციის თავმჯდომარის კახა კოჟორიძის განცხადებით კი, ვიდრე ექსპერტიზა არ დასრულდება, გავრცელებული მასალები არაფრის მტკიცების საშუალებას არ იძლევა. დღეს თათუხაშვილის ოჯახი საგანგებო განცხადების გავრცელებას აპირებს.