2014-04-03 13:54

 ჩუღურეთის რაიონის გამგებელი მოქალაქეების მიღებას აგრძელებს დავით დაღელაშვილი სამშაბათის შეხვედრაზე გაეცნო მოქალაქეების პრობლემებს და შესაძლებლობის ფარგლებში დახმარებას დაპირდა.

გამგეობას მომართეს იმ მოქალაქეებმაც, რომლებსაც თბილისის ბიუჯეტის დამტკიცებამდე, სახსრების არარსებობის გამო, უარი ეთქვათ გაზიფიცირებისთვის საჭირო თანხის დაფინანსებაზე. გამგეობა, საბიუჯეტო ასიგნებების დამტკიცების შემდეგ, კვლავ აგრძელებს მოსახლეობის დახმარებას და  შეხვედრაზეც რაიონის 10 მაცხოვრებელს გაეწია შუამდგომლობა შ.პ.ს „ყაზტრანსგაზ-თბილისთან“ გაზიფიცირებისთვის საჭირო საპროექტო-სამონტაჟო სამუშაოების საფასურის ანაზღაურებაზე. 

ასევე, შეხვედრაზე მოქალაქეებს შუამდგომლობა გაეწიათ სხვადასხვა სამედიცინო დაწესებულებასთან, მკურნალობის, მედიკამენტებისა და ოპერაციის დაფინანსებაზე. სულ გაიცა 33 საგარანტიო წერილი.