„ნაციონალური მოძრაობის“ წევრის გიორგი ვაშაძის თქმით, IRI-ის მიერ ჩატარებული კვლევების მიხედვით, „ქართული ოცნების“ მერობის კანდიდატს დავით ნარმანიას საზოგადოების 50 პროცენტზე ნაკლები უჭერს მხარს. როგორც დღევანდელ ბრიფინგზე ვაშაძემ განაცხადა, ამ ფაქტის გამო ხელისუფლება აგონიაშია.
„დავით ნარმანიას აქვს დაბალი რეიტინგი. ის 50-პროცენტიან ბარიერს ვერ გადალახავს. სწორედ ამიტომაა, რომ ხელისუფლება აგონიაშია. აბსოლუტრად არ ჯდება ლოგიკაში მათი მოქმედებები. ეს ყველაფერი სჭირდებათ იმისთვის, რომ შექმნან ემოციური ფონი და ამომრჩეველმა გადაწყვეტილება ემოციურ ფონზე მიიღოს“, - განაცხადა ვაშაძემ.
სავარაუდოდ, IRI-ს მონაცემებით, მერობის კანდიდატთა შორის თბილისში კოალიცია „ქართული ოცნების“ კანდიდატი ლიდერობს. მეორე ადგილს ნაციონალური მოძრაობა იკავებს, მესამე პოზიციებს ნინო ბურჯანაძე დ არასაპარლამენტო ოპოზიციის კანდიდატი ინაწილებენ - მათ შორის მცირე განსხვავებაა.
