2014-04-01 15:37

შალვა თათუხაშვილის ოჯახის წევრები და თანასოფლელები მთავარ პროკურატურასთან შეიკრიბნენ. შეკრებილებმა უნდობლობა გამოუცხადეს გამოძიებას, დამნაშავეების დასჯა და საქმეში საერთაშორისო ექსპერტების ჩართვა მოითხოვეს.  

„ჩვენ ვითხოვთ დაისაჯონ შალვას მკვლელები, ძნელაშვილი და გილაური, მოვითხოვთ ჩაერთონ გამოძიებაში საერთაშორისო ექსპერტები, შემდეგ დავიწყებთ გამოძიებასთან თანამშრომლობას და შემდეგ უნდა თქვან ვინ დაუკვეთა შალვას მკვლელობა და წამება“, - განაცხადა შალვა თათუხაშვილის დამ ნატო თათუხაშვილმა.

დღეს ცნობილი გახდა, რომ გამომძიებელმა დავით ძნელაშვილმა, რომელსაც ოჯახი შალვა თათუხაშვილის წამებაში ადანაშაულებს, თათუხაშვილის ნათესავი დაკითხვაზე დაიბარა, თუმცა ჯერჯერობით უცნობია თუ რა საკითხს შეეხება დაკითხვა.

დღეს 16:00 საათზე დაკითხვაზე არიან დაბარებულები შალვა თათუხაშვილის ძმები. ადვოკატის განცხადებით თათუხაშვილის ოჯახის წევრები დაკითხვაზე მისვლას არ აპირებენ.