2014-04-01 13:18

ვილნიუსში ლიტვის პოლიციის საერთაშორისო  ასოციაციის 20 წლის იუბილესთან დაკავშირებით  გამართულ კონგრესზე,  საქართველოს სექცია ოფიციალურად გამოიყო.

  „სამართალდამცავთა დაცვის ლიგა“  არის ერთადერთი ორგანიზაცია , დაფუძნებული ყოფილი ძალოვნების მიერ,  რომელიც “IPA-ლიტვაში“ საქართველოს სახელით არის წარმოდგენილი.   აღსანიაშნავია, რომ ნებისმიერ მოქმედ თუ ყოფილ  პოლიციელს  შეეძლება   პოლიციის საერთაშორისო  ასოციაციაში გაწევრიანება, რომელსაც ჩვენი ოგანიზაცია უზრუნველყოფს.

წლევანდელ კონგრესზე მონაწილება მიიღეს  „IPA“- ს წევრი ქვეყნების  წარმომადგენლებმა, ასევე  არჩეული  იქნა „IPA– ლიტვის  პრეზიდენტი ვიტაუტას პლიუსკიუსი და ვიცე–პრეზიდენტები და გენერალური მდივნები.

პოლიციის საერთაშორისო ასოციაცია წარმოადგენს დამოუკიდებელ ორგანოს, რომელიც შედგება ეროვნული განყოფილებების პოლიციის მოქმედი ან გადამდგარი თანამშრომლებისგან, მიუხედავად მათი წოდების, თანამდებობის, სქესის,  რასის,  ენისა თუ რელიგიისა.  ასოციაციის მიზანია, შექმნას მეგობრობაზე დამყარებული კავშირი და ხელი შეუწყოს საერთაშორისო თანამგობრობას. ასოციაცია გაეროს მიერ 1948 წელს მიღებული „ადამიანის უფლებების დეკლარაციის“ ძირითადი პრინციპების ერთგულია და აღიარებს, რომ წამების ნებისმიერი ფორმა აბსოლუტურად  ეწინააღმდეგბა აღნიშნულ პრინციპებს.  მისი მიზნები ასევე გულისხმობს საკუთარი წევრების  (მოქმედი თუ გადამდგარი პოლიციელების)  პროფესიული გამოცდილების ურთიერთგაცვლას, პროფესიული დონის ამაღლებას და სპორტულ–კულტურული ურთიერთობების განვითერებას. ასოციაციის ოფიციალური სამუშაო ენებია:  ინგლისური, ფრანგული გერმანული და ესპანური. “IPA” 1914 წლის 15 დეკემბერს ინგლისში დაფუძნდა, მასში გაწევრიანებულია 63 ქვეყანა, ჯამში კი 420 000 პოლიციელი.