2014-04-01 10:28

ნატოს საგარეო საქმეთა მინისტერიალის მთავარი თემებია რუსეთის მიერ ყირიმის ანექსია, საქართველო და მონაწილეობა ISAF-ის მისიაში. მინისტერიალი დღეს ბრიუსელში იხსნება.

დღევანდელი დღე უშუალოდ უკრაინას შეეხება. 28 ქვეყნის მინისტრი დღის ბოლოს სპეციალურ განცხადებას მიიღებს.

იმას თუ რას უნდა ელოდოს საქართველო უელსის სამიტზე, ამ საკითხზე ნატოს საგარეო საქმეთა მინისტრები ივნისის შეკრებაზე იმსჯელებენ, სადაც ასპირანტი ქვეყნების მიერ გადადგმული ნაბიჯები იქნება შეფასებული.

„ჩვენ განვიხილავთ ალიანსისა და კოლექტიური უსაფრთხოების გასაძლიერებლად გადადგმულ ნაბიჯებს. რას ვაკეთებთ რუსეთთან ურთიერთობის კუთხით, კიდევ რას ვაკეთებთ უკრაინის მხარდასაჭერად. რას შევთავაზებთ აღმოსავლეთ პარტნიორებს. საქართველო რა თქმა უნდა არის აღმოსავლეთ პარტნიორი თუმცა სხვა კატეგორიაში, როგორც ასპირანტი ქვეყანა. დაგეგმილია ISAF-ის ქვეყნების შეხვედრა. ასევე, იქნება ნატო-საქართველოს კომისია, განვიხილავთ რეგიონული უსაფრთხოების კუთხით არსებულ ქმედებებს, რაც დიდ გავლენას ახდენს საქართველოზე“, - განაცხადა ჯეიმს აპატურაიმ.