2014-03-31 18:37

„ერთიანი ნაციონალური მოძრაობის“ წევრის დეპუტატ ნუგზარ წიკლაურის დაკითხვა დასრულებულია. წიკლაური პროკურატურის წარმომადგენლებმა საკუთარ სახლში დაკითხეს.

დეპუტატის ადვოკატის გიორგი კონდახიშვილის განცხადებით, საქმე საქართველოს სისხლის სამართლის კოდექსის 120-ე მუხლით არის აღძრული.

"მას თავს დაესხა რამდენიმე პიროვნება, სასტიკად სცემეს და ცდილობდნენ მის გატაცებას. აქედან გამომდინარე დანაშაული არის გაცილებით მძიმე და ვიმედოვნებთ, რომ ეს კვალიფიკაცია შეიცვლება. ასევე არის არაერთი თვითმხილველი, ფაქტი, დაფიქსირებულია ერთ-ერთი ავტომობილის სანომრე ნიშანი, რომლითაც თავს დაესხნენ და ფაქტობრივი გარემოებებიდან გამომდინარე, რომლებიც ძალიან ბევრია, ვიმედოვნებთ, საქმეს პროკურატურა მალე გახნის", - აღნიშნა გიორგი კონდახიშვილმა.