2014-03-31 10:17

„ნაციონალური მოძრაობის“ ზუგდიდის საარჩევნო შტაბის ხელმძღვანელი ლაშა დამენია დღეს, 14:00 საათზე ფინანსთა სამინისტროს საგამოძიებო ნაწილში დაკითხვაზეა დაბარებული.

„ფეისბუქის“ საკუთარ გვერდზე დამენია ამ ფაქტს ასე ეხმიანება:

„დღეს 2 საათზე ფინანსურ პოლიციაში მივდივარ დაკითხვაზე. 100 ქარხნის აშენებას, ბიძინა ივანიშვილი, ცნობილი მულტიპლიკაციური ფილმის, "სოფლის შენებას რა უნდას" პერსონაჟებისგან განსხვავებით, რომლებიც სიმღერით აპირებდნენ სოფლის აშენებას, „ნაციონალური მოძრაობის“ წევრების დაკითხვებზე ტარებით აპირებს.

თუ ეს ჩვენი სიარული ამ გაუბედურებულ ხალხს რამეს უშველის, ჩვენ მზად ვართ ვიაროთ დაკითხვებზე და ამით მივეხმაროთ დღევანდელ ხელისუფლებას სოფლის შენებაში“, – წერს ლაშა დამენია.