2014-03-30 21:00

primaries.ge–ზე, ირაკლი ოქრუაშვილსა და გორის მოქმედ გამგებელს შორის სავარაუდო კანდიდატად დასახელებული ანდრო ბარნოვი ამ დროისთვის ლიდერობს და ყველაზე მეტი ხმა აქვს.

ამ ფაქტს თავად ანდრო ბარნოვი „ფეისბუქზე“ ეხმიანება და წერს, რომ შედეგების გამო კმაყოფილია და გორელებს მადლობას უხდის, თუმცა, იქვე დასძენს, რომ გორის მერობას არ აპირებს:

"ოთხი თვეც არ მომიწია გორში გუბერნატორად მუშაობამ, თუმცა არც შემდეგ გამიწყვეტია გორთან და შიდა ქართლთან კონტაქტი. მერად კენჭის ყრას არ ვაპირებ, წამოწყებულ ახალ მოძრაობას ვერ მივატოვებ, მაგრამ ძალიან მახარებს ამ გამოკითხვის შედეგები, მით უმეტეს, რომ დანარჩენი ორიდან ერთი მოქმედი გამგებელია, მეორე კი ასევე ძალიან აქტიურად ატარებს კამპანიას... დიდი მადლობა გორელებს!"