2014-03-27 23:31

"მემარჯვენე სექტორი" უკრაინის უმაღლეს რადასთან შეიკრიბა და შინაგან საქმეთა მინისტრის გადადგომა, ხოლო უკვე გადამდგარი თავდაცვის მინისტრის მოვალეობის შემსრულებლის ტრიბუნალისთვის გადაცემა მოითხოვა.

 როგორც "ესპრესო ტვ"-ს პირდაპირი რეპორტაჟიდან ჩანს, რადის წინ დაახლოებით 2 ათასი ადამიანია შეკრებილი. ისინი უკრაინის ხელისუფლების მოქმედებას კაპიტულაციას უწოდებენ და მოითხოვენ, საყოველთაო მობილიზაცია გამოცხადდეს. მომიტინგეები სკანდირებენ: "სირცხვილი!"; "რევოლუცია!" - სწორედ ამ შეძახილებით შეაწყვეტინეს მიმართვს რადის წარმომადგენლებს, რომლებმაც მათ სთხოვეს, პროვოკაცია არ მოეწყოთ.

მიტინგი ამ დრომდე გრძელდება. იმის მიუხედავად, რომ უკრაინის რადამ უკვე დაამტკიცა ცვლილებები მობილიზაციის სესახებ კანონში და მასში ჩაწერა, რომ 44-დან 55 წლის ასაკის მამაკაცებს აქვთ უფლება, თავიანთი პატრიოტული ვალი შეასრულონ სამშობლოს წინაშე, "მემარჯვენე სექტორმა" რადას ახალი მოთხოვნა: შინაგან საქმეთა მინისტრ ავაკოვის გადადგომა გაუგზავნა და დეპუტატებისგან პასუხს ელოდება.

უკვე იყო შტურმის მცდელობა - "მემარჯვენე სექტორის" წარმომადგენლებმა იერიში მიიტანეს რადის პირველ სართულზე, ჩაამსხვრიეს მინები, თუმცა აქციის ორგანიზატორების თხოვნა გაითვალისწინეს და რადაში არ შეჭრილან. ისინი აცხადებენ, რომ დეპუტატებისგან პასუხს ელოდებიან და შემდეგ გადაწყვეტენ, როგორ იმოქმედონ.

კიევის დროით 21:30 საათზე ცნობილი გახდა, რომ ტურჩინოვმა რადის სხდომა ხვალამდე გადადო.

"ესპრესო ტვ" - პირდაპირი