2014-03-27 12:47

მთავარ პროკურატურასთან არასამთავრობო ორგანიზაცია „თავისუფალი ზონის“ წევრებსა და პოლიტპატიმრის სტატუსით გათავისუფლებულ პირებს შორის ინციდენტი მოხდა.

საქართველოს მთავარ პროკურატურასთან აქცია მიხეილ სააკაშვილის დაკითხვაზე დაბარების გასაპროტესტებლად მიმდინარეობდა. მიმდებარე ტერიტორიაზე კონტრაქციის წარმომადგენლებიც შეიკრიბნენ.

სამართალდამცავებმა ორი აქციის გამიჯვნა ცოცხალი ჯაჭვით სცადეს, თუმცა ფიზიკური დაპირისპირების თავიდან აცილება მაინც ვერ მოხდა. შედეგად სამართალდამცავებმა რამდენიმე პირი დააკავეს, ამ დროისათვის დეტალური ინფრომაცია და დაკავებულთა ვინაობა უცნობია.

ამ დროისათვის ვითარება განიმუხტა, „თავისუფალი ზონის“ წარმომადგენლებმა მიმდებარე ტერიტორია დატოვეს და განაცხადეს, რომ მათ აქციის ჩატარების შესაძლებლობა სპეციალურად არ მისცეს.