-
2014-03-26 15:26
2005 წელს გარდაცვლილი ზურაბ ჟვანიას ქვრივი ნინო ქადაგიძე–ჟვანია აცხადებს, რომ FBI-ს დასკვნის საიდუმლო ნაწილი „გასაჯაროვდება გამოძიების დასრულების შემდეგ, თუ საჭირო გახდება“, ამასთან, არ აკონკრეტებს, მოხდება თუ არა ზურაბ ჟვანიას ცხედრის ექსგუმაცია.
ნინო ქადაგიძე–ჟვანიამ დღეს, საგანგებო ბრიფინგზე მიხეილ სააკაშვილის მიერ გაჟღერებულ ვერსიაზეც ისაუბრა თანხასთან დაკავშირებით.
ზურაბ ჟვანიას ქვრივი ამბობს, რომ როცა შეიტყო დაცვის წევრის მხრიდან ზურაბ ჟვანიას პირადი სეიფის გაღებისა და იქედან სხვადასხვა ნივთების წაღების შესახებ, აინტერესებდა, იყო თუ არა მკვლელობა მომხდარი ანგარების ნიადაგზე და სწორედ ამ კონტექსტში იკითხა თანხა, ხოლო მიხეილ სააკაშვილმა მისი ნათქვამი დაამახინჯა და კონტექსტიდან ამოაგდო.
დღევანდელ საგანგებო ბრიფინგზე ზურაბ ჟვანიას დედამ, რემა ჟვანიამ პოლიტიკოსებსა და მედიას მიმართა და სთხოვა, გამოძიების დასრულებამდე ამ თემის აჟიტირებისგან თავი შეიკავონ, რადგან ეს აჟიოტაჟი უმძიმესი ტრავმაა ზურაბ ჟვანიას შვილებისთვის და მისი ოჯახის სხვა წევრებისთვის.