2014-03-26 11:37

საქართველოს ყოფილი პრემირმინისტრის ზურაბ ჟვანიას მეუღლე, ნინო ქადაგიძე, მიხეილ სააკაშვილის მხრიდან გაკეთებულ განცხადებას ეხმაურება.

საქართველოს მესამე პრეზიდენტის კომენტარს, გარკვეული თანხის არსებობასთან დაკავიშირებით უსინდისობას უწოდებს, თუმცა, ამბობს, რომ თანხის ხსენება მისი მხრიდან სულ სხვა კონტექსტით შეიძლებოდა, მომხდარიყო:

„მითხრა, რაც გინდათ ის მთხოვეთ, ოღონდ ნუ მთხოვთ გამოძიებას. ჩვენ მოვითხოვეთ დამოუკიდებელი გამოძიება.

ერთადერთი, რა კონტექსტშიც შეიძლებოდა მე ეს (თანხასთან დაკავშირებით, - რედ.) მეკითხა, ძალიან ბევრ სხვა თემათა შორის, იყო ის, თუ რატომ არ არკვევენ რის გამო მოხდა ეს, იქნებ რუსებმა მოკლეს, იქნებ რაღაც ფული არსებობდა, რომლის გამოც შეიძლება ეს მოხდა...

მხოლოდ ამ კონტექსტში, სხვადასხვა ვარიანტები რომ ჩამოვთვალე, მაშინ ვახსენე ეს თემა, უბრალოდ უსინდისობა არის ამაზე საუბარი“, - განაცხადა ნინო ქადაგიძემ.