2005 წელს გარდაცვლილი ყოფილი პრემიერმინისტრის ზურაბ ჟვანიას ქვრივი ნინო-ქადაგიძე-ჟვანია „კვირის პალიტრისთვის“ მიცემულ ინტერვიუში ამბობს, რომ დღევანდელ პრესკონფერენციაზე მოჰყვება ყველაფერს, რაც იყო მასსა და სააკაშვილს, ასევე მასსა და ადეიშვილს შორის.
ნინო ქადაგიძე-ჟვანიას თქმით, ეს ეხება სააკაშვილისმიერ გუშინ გაჟღერებულ თანხის საკითხსაც და ე.წ. საჯაროობის თემასაც:
„ჩემთვის ძნელი წარმოსადგენია, კიდევ რა მოუვათ ამათ მახინჯ ტვინებში. ვფიქრობ, ზურაბ ჟვანიას საქემის გამოძიება მიმდინარეობს ნორმალურად და ეს ყველაფერი - კადრების გავრცელება და ატეხილი აჟიოტაჟი იმისთვის არის, რომ გამოძიებას შეუშალოს ხელი. მე ამას არ მინდა ხელი შევუწყო და ერთადერთი, რასაც ვიტყვი, არის ის, რომ ჩვენ, ოჯახი, ხელს ვუწყობთ გამოძიება და თანახმა ვართ ყველანაირ ექსპერტიზაზე.
ტყუილებები და ბრალდებები ამათი მოგონილია და მე ამაში ვერ შევეჯიბრები. ხვალ მოვაწყობ პრესკონფერენციას და მოვყვები ყველაფერს, რაც ჩვენს შორის - ჩემსა და სააკაშვილსა და ჩემსა და ადეიშვილს შორის იყო. ეს შეეხება თანხისა და იმავე საჯაროობის საკითხს... არ მინდა ყველას ცალ-ცალკე გავცე პასუხი. ყველას ერთად გავცემ პასუხს პრესკონფერენციაზე“, - ამბობს ზურაბ ჟვანიას ქვრივი „პალიტრასთან“ ინტერვიუში.
