გარდაცვლილი ყოფილი პრემიერმინისტრის ზურაბ ჟვანიას მეუღლე ნინო ქადაგიძე–ჟვანია 26 მარტს პრესკონფერენციას გამართავს. – ამის შესახებ ზურაბ ჟვანიას ქვრივმა "პრაიმტაიმნიუსს" განუცხადა.
ნინო ქადაგიძე–ჟვანია აცხადებს, რომ მიხეილ სააკაშვილის მიერ 25 მარტს, "არჩევანის" ეთერში გაჟღერებული მოსაზრებები "სრული აბსურდია".
მანამდე ნინო ქადაგიძე–ჟვანია საქართველოს მესამე პრეზიდენტის ინტერვიუს იმ ნაწილს, სადაც სააკაშვილი ზურაბ ჟვანიას მეუღლესთან მის საუბარს იხსენებდა, რომელიც ყოფილი პრემიერის გარდაცვალების შემდეგ შედგა, სოციალურ ქსელში გამოეხმაურა: „ზურას რასაც აბრალებენ თურმე არაა საკმარისი. ახლა მე, თურმე ფულის მეტი არაფერი არ მაინტერესებდა“, - დაწერა მან "ფეისბუქზე".
შეგახსენებთ, მიხეილ სააკაშვილმა განაცხადა:
როცა ზურაბი გარდაიცვალა, უცნაური რაღაცების საუბარი დაიწყეს მისმა ოჯახის წევრებმა, მეუღლეს ვთხოვე ჩემთან მოსულიყო, მოვიდა და ვკითხე, ხომ იყავი ადგილზე და ყველაფერს ესწრებოდი, შენ გგონია, რომ ვინმე რამეს მალავს?
მან მიპასუხა, არა არ მგონიაო. შენთან რა პრეტენზია უნდა მქონდესო. თუმცა ერთი საინტერესო რამ მითხრა, შენ ხომ იცი, რომ ზურას, როგორც პოლიტიკოსს ფული ჰქონდაო, ერთ-ერთმა მითხრა რომ მას ბევრი ფული მისცაო და ამის ნაწილი მინდა ამოვიღოო. ვარაუდობდა, დაცვის თანამშრომლებმა ხომ არ აიღეს, თანხა ხომ არ წაიღესო? – მერე გაირკვა, რომ პატარკაციშვილმა გაავრცელა ეს ინფორმაცია.
ლაპარაკი ამ კატეგორიებით, ეს ჩემთვის შეურაცხმყოფელი იყო“.
