2014-03-25 15:36

„იცნობდეთ „ოცნების“ ახალ ბედუკაძეებს, "გმირებს", რომლების მხრებზეც დგას დღეს სრულიად ქართული ოცნება!“, - წერს ანი ნადარეიშვილი და „ფეისბუქზე“ მორიგ ვიდეოს აქვეყნებს.

ანი ნადარეიშვილი წერს, რომ ვიდეო გადაღებულია გოგა ონიანის სახლში მისი დაკავების დროს.

მასზე აღბეჭდილია მამაკაცი, რომელიც ჩხრეკის პროცესს ოფიციალური, უფლებამოსილი პირის სტატუსით ესწრება, მაგრამ ვინაობას არ ასახელებს, მიუხედავად ანი ნადარეიშვილისა და პარლამენტის წევრის აკაკი მინაშვილის არაერთგზის შეკითხვისა.

ანი ნადარეიშვილის აღწერის მიხედვით, „თბილისის პროკურატურის გამომძიებლები დავით ძნელაშვილი და გურგენ გილაური, რომლებიც ყველა თეთრი ძაფით შეკერილ საქმეში ფიგურირებენ, ახდენდნენ მუქარას და ზეწოლას, ასევე ადამიანების გატაცებას და წამებას, რაც გამოიხატება იმ ფაქტით, რისი მოყოლაც შალვა თათუხაშვილმა მოასწრო გარდაცვალებამდე მისი ოჯახის წევრებისთვის.

კერძოდ შალვა თათუხაშვილი გატაცებული ყავდათ 3 კვირის განმავლობაში, აწამებდნენ მას, აყოფინებდნენ თავს ცივ წყალში და ახდენდნენ იარაღიდან გასროლას ყურთან, ვინაიდან ამან არ გაჭრა და მისგან სასურველი ჩვენება ვერ მიიღეს, შალვას მოუძებნეს სუსტი წერტილი და მას დაემუქრნენ, რომ მის მცირეწლოვან შვილს სკოლიდან მომავალს "შემთხვევით" გაიტანდა მანქანა, ხოლო მკვლელს პროკურატურა გამოუშვებდა საპროცესო გარიგებით, ასევე დაემართებოდა ნელ-ნელა მისი ოჯახის ყველა წევრს.

როდესაც შალვა ცუდად გაუხდათ, იგი სასწრაფოდ დააბრუნეს სახლში, რომ ხელში არ ჩაკვდომოდათ“, - წერს ანი ნადარეიშვილი.