2014-03-25 13:58

უკრაინის თავდაცვის მინისტრის მოვალეობის შემსრულებელმა იგორ ტენუხმა რადაში გამოსვლის შემდეგ გადადგომაზე განცხადება გააკეთა. მან უარყო მედიის მხრიდან მის წინააღმდეგ გავრცელებული ინფორმაცია, რომ ყირიმში განთავსებულ სამხედრო ნაწილებს ბრძანებას დროულად არ უგზავნიდა.

ადმირალი ტენუხი ამბობს, რომ ის არასდროს ყოფილა ჩაჭიდებული თანამდებობას. მისივე თქმით, 3 მარტს მისცა ბრძანება უკრაინელ სამხედროებს ყირიმში, გამოეყენებინათ იარაღი წესდებით გათვალისწინებულ ფარგლებში. მისი განცხადებით, განმეორებითი ბრძანებაც გასცა - უკვე მას შემდეგ, რაც სიმფეროპოლში უკრაინელი სამხედრო მოკლეს.